مجلة ازياء وموضة تصدر من نيويورك

نادية ابو الحسن

متوسط مقاس المرأة الطبيعى هو مقاس ١٢. ولكن مجتمع وإعلان اليوم جعلنا جميعا نعتقد ان المرأه يجب ان تكون مقاس صفر او ٢ او اربعه او على الاكثر ٦. ولكن هذا غير حقيقى بل ومضر احيانا لبعض النساء انت تفكر بهذا الشكل.

الخطأ هنا يرجع بشكل كبير لمجال الازياء والموضة ونجمات السينا العالمية. وقد سبب هذ العديد من المشكلات للبنات المراهقات. حيث ان بعضهم لا يأكل على الا القليل ولا يكترثن لصحتهن ويركزون فقط على رفع اجسادهن.

يوجد العديد من الكتاب والصحفيين الشباب في امريكا  مناهضين لهذه الافكار، ويحاولوا بكل السبل الممكنه تغير هذا القوالب والافكار عن جسد المرأه المثالى. ويدعون الي فكره ان المرأه جميلة كما هى طالما ان صحتها جيده وليس لديها سمنه مفرطه وغير صحية.

من بين هؤلاء مصممة الازياء والصحفية  اللبنانية الاصل أمريكية الجنسية المعروفة نادية ابو الحسن. نادية شابة صغيره عمرها ٢٣ عام.  مقاس جسمها  حوالى ١٢ . تحاول بكل الامكان عن طريق موقعها الاليكترونى ان توصل فكرة اقبلى جسمك كما هو وحاولى ان تكونى في صحة جيده. نادية ترى ان كل امرأه يمكنها ان تكون جميلة اذا اختارت الزى والاستايل الذى يناسب طبيعة جسمها وشخصيتها وثقافتها بالطبع.

لمعرفة المزيد عن نادية ابو الحسن يمكنكم زيارة موقعها الاليكترونى.

ممكن جدا يكون عندنا مجموعة ضخمة من الملابس حتى لو ملتزمين بميزانية محددة لشراء الملابس. كل اللى محتاجة تعرفيه هو ازاى تختاري ملابسك وتكوني منها أطقم أنيقة.

النقاط القادمة هتديكي فكرة اساسية عن اختيار الملابس وتكوين الأطقم من دولابك.

قسمي دولابك:

أول حاجة محتاجاها أنك تفسمي دولابك الموجود لثلاثة أقسام… الرسمي والكاجوال والحفلات. الملابس الرسمية هيكون فيها ملابس العمل فقط.

الملابس الكاجوال هيبقى فيها الملابس المعتادة التى ترتديها وانتى رايحة المول أو نازلة تاخدي فنجان قهوة مع أصحابك. وأخيرا ملابس الحفلات، وطبعا زى ماهو واضح من أسمها، هى الملابس اللى بترتديها وانتى رايحة الحفلات أو سهرة حلوة مع أصحابك.

من فوق أكتر ومن تحت أقل:

واحد من أكثر الأخطاء الشائعة اللى بنعملها واحنا بنظم دولابنا عشان نكون أطقم أن بيبقى فيه ملابس للجزء السفلي من الجسم وتوبات قليلة. لتكوين أطقم مناسبة لازم يكون عندك تشكيلة كبيرة من التوبات ومجموعة محدودة من اللبس الخاص بالجزء السفلي. ده بيضمنلك أنك هتظهري بمظهر مختلف كل يوم حتى لو لبستي بنطلون مثلا يومين ورا بعض. وده عشان فى العادة الناس بتبص على الجزء العلوى من الجسم الأول.

بالنسبة لملابس العمل، أنتى محتاجة بالظبط تلات قطع للجزء السفلي وهما بنطلونيين وجيبة. يفضل أن البنطلونيين يكونوا رمادي وأسود والجيبة تكون أزرق داكن. يمكنك أن تكوني أطقم رائعة بعدد كبير من القمصان والجواكت الخفيفة مع هذه الألوان.

للملابس الكاجوال، انتى محتاجة خمسة قطع للجزء السفلي، وهم بنطلونيين جينز (أزرق وأسود)، شورتين (بني وأبيض) وجيبة واحدة (أزرق داكن أو فاتح). حاولي أنك تماشي القطع دي مع تيشيرتات روشة أو توبات على الموضة. لملابس الحفلات ممكن تحتفظي بنفس قطع الجزء السفلي بتاعت الكاجوال لكن أتاكدي أن اللى هتلبسيه من فوق لامع ونوعا ما مترتب. ممكن برضه تبدلي الجيبة باتنين فساتين سهرة.

اكسسوارات:

الاكسسورات ممكن تضفي حيوية على أى طقم باهت عندك لو استخدمتيها بالشكل المظبوط. ابدأي فى تكوين مجموعتك الخاصة من الأقراط مع مجموعة من السلاسل والأساور. من الاكسسورات المهمة ايضا الأوشحة والشالات واللى لازم تكون الوانها مبهجة أو عليها نقوش نابضة بالحياة.

الآن تذكري أنك متستخدميش الاقراط والسلاسل والاساور مع بعض إلا لو رايحة لحفلة وحتى لو حفلة لازم يكون الطقم محتاج كل الاكسسزرات دى. الاكسسورات الكتير ممكن تقتل الطلة بتاعتك وتظهرك فى شكل مهرج الحفلة بدلا من نجمة الحفلة.

جديد مع لمسة كلاسيكية:

دلوقتى وقت مناسب أنك تبصي على دولاب والدتك أو تزروي أقرب محل بيع. أسهل طريقة أنك تكوني طقم من الحديث والكلاسيكي هو عمل ازواج يعني مثلا بلوزة كلاسيكية مع بنطلون جينز سكيني.

ممكن برضه تلبسي البلوزة الحرير القديم بتاعت والدتك مع شورت جديد وتلبسي عليهم اكسسورات زى الاقراط الدائرية الكبيرة.

الاحذية:

الاحذية تحديدا ممكن تكون مخادعة لأن الكتير مننا بيحتار أى طقم يناسب أى حذاء. بدلا من شراء صفوف من الأحذية ممكن تخلي الموضوع سهل وبسيط. أولا، قسمي الاحذية على حسب الفصول إلى صيفي وخريفي.

للصيف لازم يكون عندك على الأقل اتنين (فليب فلوب) وجذمة واحدة بكعب إسفين (أو حتة واحدة) واتنين صنادل شيك. للشتاء انتى محتاجة بوت واحد وجذمة واحدة كونفرس. وطبعا من المهم ان يكون عندك حذاء أسود كلاسيكي.